कसे मान्य करावे वय झाले - कविता

कसे मान्य करावे वय झाले      
आता कुठे जीवन सुरू झाले  
जरी जीवन साठीला आले    
                     *कसे मान्य करावे?*

बालपण खेळण्यात गुंतले  
कुमार वयाला अभ्यासाने घेरले 
तारूण्य करीअरसाठी घातले 
जग रहाटी म्हणून लग्न केले
मुलांचे भविष्य त्यात घडविले
वाटले, जीवन आता सुरू करावे
अन्, तुम्ही म्हणता वय झाले
                     *कसे मान्य करावे?*

वयात या आवडी निवडी जपावे
राहिले छंद ते पुरे करावे 
जग फिरायचे फिरून घ्यावे 
मित्रांसवे वय विसरावे
जगणे आता सुरू करावे
अन् तुम्ही म्हणता वय झाले?
                 *कसे मान्य करावे?*

राहीलेले जीवन जगून घ्यावे
सुखदुःखाना का आठवावे?
भेटतील साथी संगे घ्यावे
क्षणा-क्षणाला जगून घ्यावे
वयाचे बंधन कश्याला असावे?
अन् तुम्ही म्हणता वय झाले
                  *कसे मान्य करावे?*

Written by : unknown creative 

🌹🙏🌹🙏🌹🙏🌹🙏🌹